Semenei nte na val longia e strenta co na gran sort de monc ntourn,

on nost lingaz che a ne capì i se stenta, son jent da Fodom.

Nte le frazion che stà a postiern l sorogle l bat siech meisc al ann,

ilò ston frësć e no marcion, segur se n sciámpa ence l malan.

Da l’autra pert l é Vijiné de Ca, per no confonde chël de Là,

su per chi bric l ciánta, l fesc da mat e ven l bestia chëst se sà.

L é dejdot frazion de plu o de mánco dì no sè, jì nte comun a damané,

e sourainom metus nia, duc scric ju per velch paisc nta Fodom.

De segur savei da Reba i glacei, per via del vent ju da Pordou

i ciapa duc i mei, penseve, nchinamei i ciapa l stress da trop laur.

Via per La Plié nte la capital co nen tel inom i é stei batiei,

ie disc i sciori de la val, cojì ades clamé i mossei.

Chi vignus l é chi da Davedin percieche i é damprò l confin,

per fortuna coi avocac su per Daghè no i à nia da fè.

Sa Larcionei ven dit Schirac, «per l ërt» disc chi d’Andrac,

chisc autri Pëzoi ven clamei, da sté dalonc se i é nrabiei.