L capo bina auna i pompier, 

se sent l trombetier soné l alarm,

da ogni pert i omegn và a La Plié

percieche ilò l é ceze che à sgaré.

Plu mprescia de la sita i pompier i s’à biné,

col elmo soura i ogli i se domana ci che l é.

L é fuoch, l é fuoch, l é fuoch!

(Ma) fuoch ncuoi nou n é! (x2)

Sun ciampanil i zagri de le ore i s’à ncanté. (x2)

«Pompier, vos sei nascius sunsom sti crëp»

ie disc l capo plen de convinzion,

«L ciampanil l é ërt come Sponton,

ma un de vos se rampicheia nfin sunsom!»

Debot dut l ploton l auza l ce a cialé su,

zachei nánter le file no se sent tánt dezedù.

(Sunsom) Ma t’asseto pensé? (x2)

Sun ciámpanil i zagri de le ore i s’à ncanté! (x2)

N om gaiert ven fora del ploton,

se rampicheia nfin sun ciampanil:

dal temp i zagri s’ava nrujumì

e co nen puo’ de sonja l i à fac jì!

N vare davò l auter l pompier se cala ju

e plens de marevoia i fodomi ciala su:

Tin, tin, ton, ton, tan, tan. I zagri và duc doi

e l ciampanil l bat l chert de ora ncora ncuoi!