N arescluc dut aricé

sun sié de ourt l s’à mpoié,

l é resté sol ntel paisc,

sol co nen puoro berba grisc.

                             N arescluc sun sié de ourt

                             l zifoláva per n sourt,

                             ntel paisc l eva nasciù

                             se n jì demez, no, no, mei plu!

No n é plu stram via sun aucè,

no n é plu orde nte blavè!

Nte stangort, nte n let de len

chël berba grisc no steva ben.

                             N arescluc sun sié de ourt

                             l zifoláva per n sourt,

                             ntel paisc l eva nasciù

                             se n jì demez, no, no, mei plu!

L di davò chël berba grisc

i se l à tout sun paradisc,

sun sié de ourt chël arescluc

l zifoláva per nos duc.

                             N arescluc sun sié de ourt

                             l zifoláva per n sourt.

                             Ades dintourn crësc i lavac,

                             ma n viade tournarà i tosac!