Son vignus duc cánc a scola,

on lascé la vacia sola,

co la cioura sun chi prei a pascolé.

Coi cuaderni su la spala 

se mangion n pán de siala u-hé!

E po jon a restelé. 

Con scioloc fac de ceuda

se godon duta l’aisciuda,

coi caprioi che ven pro stala a ne ciaté.

Se la pegna la no gira

nos no n on gnánca na lira u-he!

Ma savon da se njigné.

Co le zirghe le se sturta,

le giornade le se scurta,

jon samont co la ciavëza a desmontié.

Co l sorogle l no sciauda

on la stua bona ciauda u-he!

Son contenc de chël che l é.