L Maier da Ciajera

l eva sol su la sua tiera

e na jovena sa Sié

che tánt gën l’assa daidé (x2).

«Sun mio mesc t’es a ciaval

de duta cánta nosta val.

Te veighe dërt fin ja La Plié,

da Salejei a Liviné 

e souradut l Col de Lana, 

a mán dërta la Tofana, 

l Poure, l Pelmo davossù

ulache l sorogle leva su (x2). »

                            Holladio, holladié (Holladi, holladi, holladié)

                            holladio, holladié (Holladi, holladi, holladié)

                            cassù da mi l é bel a sté

                            vié chilò a me daidé! Iu-he, iu-he!

«Maier, Maier vié sa Sié

chilò t’es tost fin ja La Plié.

Te ciale dërt sui crëp del Sela

e a chële mont via soura Ornela,

e plu n ju la Marmolada

e la Ciuita mpiturada,

da Chierz fin sun Pordou

ulache l sorogle striscia l jou (x2).»

                            Holladio, holladié (Holladi, holladi, holladié)

                            holladio, holladié (Holladi, holladi, holladié)

                            cassù da mi l é bel a sté

                            vié chilò a me daidé! Iu-he, iu-he!