L iagher và samont col sclop, cor iagher, cor

ven scur l bosch e bruja i crëp, cor iagher, cor

mio bravo iagher, svelto iagher, cor, cor, cor.

Ci elo nte la ierba ilò, cor iagher, cor

se muof dagnára plu damprò, cor iagher, cor

mio bravo iagher, svelto iagher, cor, cor, cor.

Sconù l é ilò, cor iagher, cor

orogle l à doi gragn scoac, cor iagher, cor

mio bravo iagher, svelto iagher, cor, cor, cor.

L iagher ciala ntourn sperdù, cor iagher, cor

se ades no tire son perdù, cor iagher, cor

mio bravo iagher, svelto iagher, cor, cor, cor.

O iagher lascia l sclop n pesc, cor iagher, cor

senò n bocon de ti dël fesc, cor iagher, cor

mio bravo iagher, svelto iagher, cor, cor, cor.

L iagher da mont ju l se n cor, cor iagher, cor

a cesa, l disc, stè plu segur, cor iagher, cor

mio bravo iagher, svelto iagher, cor, cor, cor.

L leor pëta n saut content, cor iagher, cor

l se gode l vërt, la luna e l vent, cor iagher, cor

mio bravo iagher, svelto iagher, cor, cor, cor.

L ciel ie per plu bel lucent, cor iagher, cor

e i iagri la plu brava jent, cor iagher, cor

mio bravo iagher, svelto iagher, cor, cor, cor.