Co t’eve dërt pico degugn te scoutáva,

no t’ave na lira, degugn te badáva

ma t’ave n gran cuor che batëva dassënn

per n paisc senza inom. (x2)

Fodom da scarpade

Fodom da rie strade

Fodom che sfadieia

Fodom che fesc veia

Fodom t’es tres ti,

ence co ven n auter di.

Co t’es chersciù n frëgo i t’à trat n viera,

no t’ave plu cesa, no t’ave plu tiera

ma t’ave n gran cuor che batëva dassënn

per n paisc tout a mán. (x2)

Fodom plen de storia

Fodom senza boria

Fodom sanlascé

Fodom strabacé

Fodom t’es tres ti,

ence co ven n auter di.

Co t’es ben podëol duc gioura la porta,

i te fesc riverenza, i te dà ence la scorta

ma ti t’as n cuor che batarà ence domán

per n paisc galantom. (x2)

Fodom da cheriánza

Fodom da speránza

Fodom plen de ciof

Fodom dal guánt nuof

Fodom t’es tres ti

ence co ven n auter di.