Papapa papapa…

Davò taula (davò taula), son sentei (son sentei)

a se beibe (a se beibe) n got de bon (n got de bon)

duc auna (duc auna), son binei (son binei)

a se mangé (a se mangé) chelche crafon (chelche crafon).

                             On fenì (on fenì) de jì samont (de jì samont)

                             on fenì (on fenì) samont de sté (sa mont de sté)

                             oramei nta Fodom

                             l é fenì ence l isté (x2).

Cánche l vin l n’à sciaudé,

ci piaronso mei a mán?

Se meton duc a cianté

le noste ciántie da Fodom.

                             O ci bel di, ci alegria,

                             nos son jent che no se nfenc,

                             son na bela compagnia 

                             duc alegri e duc contenc (x2).

Co da sëra al sorogle

la Ciuita de or la luc,

co la luna ne siera n ogle

a cesa se tiron de duc.

                             Ma davánt de se spartì

                             duc auna nos cianton,

                             èio proprio da ve l dì?

                             viva l nost tánt bel Fodom. (x2)