Mi coi angeli ve augure
gloria a Dio e n tera pas…
Ste doi robe le ve dure
fin che l cuor de pien l tas.

E i augure ai genitori
che sti birbi de puzach
no i comande massa lori
e no i faje tant i brach.

E i augure a sior curato
bone fede che vol sal,
che le sampe dal pecato
e da dut ci che l é mal.

Ai maestri po i augure
la pasienza e bona os
che i le faje n freo madure
noste zuce che no cuos.

N augurio incia ai scolari
che malore no se n fà
e che suoi pi bogn afari
siebe scola e l imparà.

E duc cuanc po la fortuna
ve compagne ntel an nuof…
Che noi semper, bel auna,
se provone a tirà l jof.